El la perspektivo de uzanto, la stacidomo estas tre komplika kaj enhavas multajn kaptilojn. Kajoj 1 ĝis 4 situas laŭlonge de la stacidomo kaj estas alireblaj per du subpasejoj. Ankaŭ estas liftoj en la maldekstra subpasejo. La aliaj du kajoj, 5 kaj 6, situas dekstre de la stacidomo.
La stacidomo havas du ĉefajn enirejojn proksime al la trama trafikpunkto Hlavní nádraží. Maldekstra estas pli granda, sed kun ŝtuparo. Dekstra estas senbara. Ambaŭ enirejoj gvidos vin en halojn. En la ĉefa halo estas biletejoj, maldekstre de ĝi poste aliaj servoj, kiel ekzemple bagaĝostokejo. Inter la ĉefa halo kaj la dekstra halo estas pieda koridoro.
En la dua halo vi trovos valutŝanĝejon, atendejon de Ĉeĥaj Fervojoj kaj RegioJet. Kaj volontuloj ankaŭ atendos vin ĉi tie por helpi vin atingi la tramon.
Kajo 1 estas alirebla por rulseĝoj rekte de la stacidomhalo.
Kajoj 2, 3 kaj 4 atingeblas per subpasejo, kies enirejo estas per la ŝtuparo en la halo. De ĉi tiu subpasejo ankaŭ estas liftoj kondukantaj supren al la kajoj, sed la lifto al la subpasejo mem estas dekstre, sur kajo 1. La kajoj estas en akra kurbo, kio signifas, ke foje estas danĝera interspaco inter la rando de la kajo kaj la ŝtuparo al la trajno.
Kajoj 5 kaj 6 estas dekstre, apud la stacio. Forlasante la stacidomhalon, iru laŭ la unua kajo.
Sur ĉiu kajo estas elektronikaj paneloj kun informoj pri forveturoj, alvenoj de trajnoj kaj aliaj informoj.
-
- La ĉefa enirejo al la ĉefa fervoja stacidomo de Brno ne estas multe uzata ĉar ĝi ne estas konektita al vojtransirejo. Alia malavantaĝo estas, ke ĝi havas ŝtuparon.
-
- La halo de la fervoja stacidomo Brno nokte. Meze de la halo estas ŝtuparo al la subpasejo al la dua ĝis kvara kajoj. Biletejoj antaŭe kaj flanke troviĝas.
-
- Multaj pasaĝeroj uzas la duan enirejon, kiu estas dekstre. Ĉi tiu enirejo estas senbara. Dank‘ al tio, de ĝi estas pli facile atingi la tramhaltejojn.
-
- Vido de la flanka halo el la dua enirejo. En ĉi tiu halo vi trovos valutŝanĝejon, atendejon de Ĉeĥaj Fervojoj kaj RegioJet. Kaj volontuloj ankaŭ atendos vin ĉi tie por helpi vin atingi la tramon.
La stacidomo estas atingebla per publika transporto. Mallongdaŭra parkumado estas ebla, do vi ankaŭ povas preni taksion. Antaŭ la stacidomo, vi ankaŭ povas lui komunajn biciklojn de Rekola kaj Nextbike. Estas necesejoj ĉe la stacidomo.
Aĉeti vi povas en superbazaro Billa rekte en la stacidomo, malfermita ĉiutage ĝis la 22:00. Ene de la stacio estas ankaŭ apoteko Rossmann, bastonpanvendejo Bageterie Boulevard, kafejo Costa Coffee kaj malgranda sandviĉvendejo SuBedna (ni rekomendas!). Antaŭ la stacidomo estas ankaŭ apoteko Dr.Max. Ene de la stacidomo, estas bankomatoj kaj valutŝanĝejo de Ĉeĥaj Fervojoj.
Estas ankaŭ tri atendoĉambroj. Ne mankas ankaŭ du bakejoj (kvankam kun bakaĵoj plejparte faritaj el frostaj duonpretaj produktoj) kaj gazetvendejoj. Dum nokto la halo estas fermita, sed eblas atingi kajojn per subpasejoj, kiuj gvidas de la haltejoj de noktaj busoj. Vi ankaŭ povas lasi viajn bagaĝojn ĉe la stacidomo. La kosto estas po 100 CZK por unu bagaĵo kaj tago. Vi ankaŭ povas pagi per karto kaj en eŭroj.
Necesejoj ĉe la ĉefstacidomo de Brno – supre maldekstre
-
- Estas necesejoj ĉe la fino de la maldekstra alo, malantaŭ la manĝetaĵvendejoj. Malsupren laŭ la ŝtuparo.
-
- Vi pagas por la necesejo ĉe la maŝino kaj vi ankaŭ povas pagi per kreditkarto.
-
- La enirejo tiam estas tra turnkruco.
Necesejoj ĉe la ĉefstacidomo de Brno – en la subpasejo, maldekstre sub la ŝtuparo
-
- Komence estas pagterminalo por moneroj kaj kartoj. Poste malfermiĝas turnkruco, kiu kondukas al loko, kiu aspektas kiel malliberejo.
-
- La necesejoj ĉe la Ĉefstacidomo de Brno troviĝas maldekstre de la ŝtuparo, kiam oni iras de la halo al la trajno.
-
- La kahelizita koridoro donas depriman impreson.
-
- Sed ĉi tie estas pure.
Aliro al la kajoj
Sub la ĉefa fervoja stacidomo de Brno estas tri subpasejoj. Sed nur du el ili provizas aliron al kajoj 1 ĝis 4.
La meza, plej larĝa subpasejo servas kiel urba konekto. Se vi estas ĉi tie por la unua fojo, atente sekvu la ŝildojn. La maldekstra estas ankaŭ trairebla, sed fine de ĝi estas ŝtuparo.
Maldekstra subpasejo kun liftoj
-
- Nur la norda subpasejo kondukas rekte de la stacidomo de Brno. Kaj ĝi estas ankaŭ la sola subpasejo, kiu havas liftojn ĝis la kajo. Sed ne estas lifto de la stacidomo de Brno al ĝi, nur ŝtuparo. La lifto estas flanka kaj postulas piediron.
-
- De la maldekstra subpasejo, ŝtuparo kaj lifto kondukas supren al kajoj 2 ĝis 4.
-
- La norda subpasejo sub la ĉefa fervoja stacidomo de Brno. La subpasejo estas irebla, sed estas ŝtuparo ĉe ambaŭ finoj.
-
- Lifto de la norda subpasejo supren al la kajo
-
- Ŝtuparo supren al kajoj 1 ĝis 4.
-
- Ĉi tiu estas la sola aliro al kajoj 2 ĝis 4, alirebla por rulseĝoj, de la stacidomo. Vi devas atenti por ne maltrafi la enirejon.
-
- Se vi bezonas senbarieran aliron al la subpasejo (inkluzive de la urba subpasejo) de kajo 1, atente sekvu la informtabulojn proksime al la plafono, kaj poste iru tra ĉi tiu pordo al la lifto. La enirejo al la ĉefa halo de la stacio estas iom pli antaŭen.
Dekstra subpasejo
-
- De la dekstra (suda) subpasejo, nur ŝtuparo kondukas supren al la kajo. Aliro: de la enirejo al la stacio, preteriru la atendejon de RegioJet. Kaj malantaŭ la ŝrankojn, iru dekstren kaj malsupren.
-
- Dekstra subpasejo sub la ĉefstacidomo de Brno.
-
- Supren al la platformo nur per ŝtuparo
-
- De la dekstra subpasejo estas senbariera pado al la urbo.
Aliro al kajoj 5 kaj 6
Kajoj 5 kaj 6 troviĝas dekstre sude de la ĉefa konstruaĵo. Tiujn kajojn kun kvar trakoj kutime ne servas longdistancaj trajnoj de Prago al Bratislavo/Vieno. Tamen, se vi alvenas al la unua kajo, vi povas piediri al tiuj kajoj. Tio estas utila ankaŭ se vi volas uzi la tramon de la haltejo Nové sady.
-
- Kajoj 5 kaj 6 estas sude, dekstre de la stacidomo, post la unua kajo. Sekvu la ŝildojn, turnu ĉe la balustrado kaj daŭrigu laŭ la trotuaro.
-
- Kajoj 5 kaj 6 estas frontaj, alireblaj nur de unu flanko. La vojo al ili ne estas kovrita.
Skemo de la ĉefa stacidomo en Brno
Plano de trafinkpunkto Hlavní nádraží antaŭ ĉefa stacidomo
Konkludo
La ĉefa fervoja stacidomo en Brno ne estas tre agrabla enirejo al la urbo, kie okazas la Universala Kongreso de Esperanto. La stacidomo estas relative pura, sed la liftoj al la kajoj bedaŭrinde iom malbonodoras kaj kelkfoje ne funkcias. Navigado al ili ene de la kajoj ne estas tre klara. Tamen ne provu piediri trans la relojn, ĉar vi riskas monpunon. Elirante el la stacio al la tramo, estu mense preta por kelkaj ebriaj senhejmuloj. Tamen, ili kutime ne estas ĝenaj, do provu ignori ilin.
